काठमाडौँ, १० असार । तेस्रो विश्व योग दिवसको अवसर पारी एकीकृत चिकित्सा विकास संस्था(आइएमडीएफ)ले विभिन्न स्कुलमा योग तथा आयुर्वेदको प्रबर्धनात्मकमुल सप्ताहव्यापी कार्यक्रम सञ्चालन गरेको छ ।

आयुर्वेद क्याम्पस कीर्तिपुरका विद्यार्थीहरुको पहलमा भएको उक्त कार्यक्रममा विद्यार्थीहरुलाई स्वस्थ् जीवनशैली साथै पूर्वीइ सभ्यताको महत्व, योग र आयुर्वेदले गर्ने स्वास्थ्य रक्षाको बारेमा प्रस्तुति गरिएको थियो ।

‘डे टु डे आयुर्वेद’ नाम दिइएको उक्त अभियानले आयुर्वेदको सम्यक ज्ञान साथै विसंगति हटाउने उदेश्य रहेको अभियानका संयोजक तथा आयुर्वेद क्याम्पसका छात्र सुमन खनालले जानकारी दिए ।

आइएमडीएफ संस्था एकीकृत चिकित्साको अवधारणा रहेको एक मात्र संस्था हो । जसले स्वास्थ्य क्षेत्रमा मृथक अवधारणाले योगदान पुरयाउँदै आएको कुरा सो अभियानकी सह संयोजक सुभेच्छा लामिछानेले बताइन ।

उक्त अभियानले एक सातामा उपत्यका र चितवनमा गरि चार विद्यालयमा कार्यक्रम गरेको छ ।