काठमाडौँ, ३ असार । धापासीस्थित ग्राण्डी अन्तराष्ट्रिय अस्पतालमा विदेशी लगानी भित्रने भएको छ । आज एक कार्यक्रमका साथ ग्राण्डीले अस्पतालको ५३ प्रतिशत सेयर एक विदेशी नागरिकलाई बेच्ने भएको छ ।

उक्त सेयर दुवईको आवुधावीमा रहेको एनएमसी हेल्थ केयर सेन्टरका अध्यक्ष डा बाभागुथु रघुराम (बीआर) सेठ्ठी लिने भएका हुन् ।
डा सेठ्ठी विश्वका धेरैवटा स्वास्थ्य संस्थामा लगानी गर्ने मध्येका पर्दछन् । उनी ग्राण्डीको बस्तुस्थिति अध्ययनसंगै लामो छलफल पछि नेपालमा लगानी गर्न इच्छुक भएका हुन् ।

‘उहाँले नेपाल आएर यहाँको सबै बस्तुस्थिति हेर्नुभयो, त्यसपछि मात्रै लगानीका लागि राजी हुनुभयो,’ अस्पतालका अध्यक्ष दीपक कुवँरले भने ।सेट्टी हिजो मात्रै आबुधावीबाट नेपाल आएका हुन् । शनिबार आज अस्पतालका अध्यक्ष कुवँर र सेठ्ठीबीच सम्झौता हुनेछ ।