हेल्दी हार्ट क्लिनिक सञ्चालनमा

भक्तपुर २९ साउन – मुटुको चालसम्वन्धी रोगको विशेष उपचार गर्ने उदेश्यले भक्तपुरको गठ्ठाघरमा स्थापना गरिएको हेल्दी हार्ट क्लिनिक आज देखी औपचारिक रुपमा सञ्चालनमा आएको छ ।

healthy heart clinic

शनिबार भएको विशेष समारोहमा बरिष्ठ हास्यकलाकार हरिबंश आचार्यले सो क्लिनिकको उद्घाटन गर्दै सेवा सुभारम्भ गरेका हुन् ।
बरिष्ठ मुटुरोग विशेषज्ञ डा रोशन राउत नेतृत्वको टोलीले सो क्लिनिकमा सेवा दिने बताइएको छ ।

डा राउतले हेल्दी हार्ट क्लिनिक मुटुको चालमा हुने गडबडी सम्वन्धी उपचार गरिने नेपालकै पहिलो क्लिनिक भएको बताए । उनले भक्तपुर र आसपासका जनतालाई सर्वसुलभ रुपमा उच्चस्तरीय सेवा दिने दावी गरे ।

त्यसो त क्लिनिक संचालन आएसंगै सोही ठाँउमा सम्याक डाईग्नोष्टिक प्रालि ललितपुरले समेत आफ्नो शाखा सञ्चालनमा ल्याएको छ । उच्चस्तरीय अत्याधुनिक मेसिनबाट परीक्षण गरिने यो ल्याव नेपालकै पहिलो आईएसओ १५१८९ मान्यता प्राप्त प्याथोलोजी ल्याव हो । सम्याकका प्रमुख डा केयुर गौतमले पहिलोपटक भक्तपुरमा शाखा विस्तार गर्न पाउदा खुशी लागेको बताए ।

healthy heart2

उनले रोग पहिचानका लागि महत्वपूर्ण हुने ल्याव टेष्टमा आफ्नो सेन्टर आईएसओ गुणस्तर प्राप्त भएको भन्दै यसले क्लिनिकमा आउने विरामीको रोग पहिचानमा सहयोग पुरयाउने बताए ।

कार्यक्रममा बरिष्ठ मुटुरोग विशेषज्ञ डा मनबहादुर केसी, शहीद गंगालाल अस्पतालका निर्देशक डा ज्योतेन्द्र शर्मा लगायतले बोलेका थिए ।
क्लिनिकका निर्देशक राम आचार्यले स्थानीयस्तरमै गुणस्तरीय सेवा प्रदान गर्न क्लिनिक सञ्चालन गरिएको भन्दै उच्चस्तरीय सेवा प्रदान गर्ने दावी गरे ।

healthy heart

उनले क्लिनिमा मुटुरोग, हेल्थ प्याकेज, जेनेरल चेकअप, थाइराइड तथा मधुमेह, हार्टजोर्नी तथा नशा रोग, बालरोग, छाला तथा आँखा रोग, चस्मा पसल सहित आईएसओ प्रमाणित प्याथोलोजी सेवा समेत सञ्चालनमा आएको बताए ।


Leave a Reply

Your email address will not be published.