काठमाडौँ, ३० साउन । नेपाल स्वास्थ्य व्यवसायी परिषदले सातौँ नाम दर्ता प्रमाणपत्र परीक्षा आगामी १५ देखि २० भदौसम्म सञ्चालन गर्ने भएको छ ।

परिषद्को सोमबार बसेको परीक्षा समितिको बैठकले स्नातकोत्तर तह, स्नातक तह र प्रमाणपत्र तहको नाम दर्ता परीक्षा आगामी भदौको तेस्रो साता गर्ने निर्णय गरेको हो ।

परिषद्ले परीक्षा तालिका, प्रवेश पत्र, परीक्षा केन्द्र र यसबारेका अन्य जानकारी पछि वेवसाइट तथा फेसबुकबाट जानकारी गराउने समेत बताएको छ ।