काठमाडौँ, १० वैशाख । पछिल्लो चौबिस घण्टामा देशभर थप ८१ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयले आज जारी गरेको बिबरण अनुसार थप १ हजार ३ सय ६ जनाको नमुना परीक्षण गर्दा ८१ जनामा संक्रमण पुष्टि भएको हो ।

आज थप ५४ जना संक्रमणमुक्त भई डिस्चार्ज भएका छन् ।

त्यस्तै, देशभर ३७० जना सक्रिय संक्रमित रहेका छन् । कोरोना संक्रमित बिरामीहरु मध्ये २२ जना संस्थागत आईसोलेसनमा, ३ जना आइसीयुमा र १ जना भेन्टीलेटरमा उपचाररत रहेका छन् ।