काठमाडौँ, २६ चैत । पछिल्लो चौबिस घण्टामा देशभर थप ५५ जनामा कोरोना संक्रमण पुष्टि भएको छ । सोही अवधीमा संक्रमणमुक्त भई ११ जना डिस्चार्ज भएका छन् ।

स्वास्थ्य तथा जनसंख्या मन्त्रालयले आज जारी गरेको बिबरण अनुसार थप ६७१ जनाको पीसीआर र ५४५ जनाको एन्टीजेन गरी १ हजार २१६ जनाको नमुना परीक्षण गर्दा ५५ जनामा संक्रमण पुष्टि भएको हो ।

त्यस्तै, देशभर ३९६ जना सक्रिय संक्रमित रहेका छन् । जसमध्ये काठमाडौँ उपत्यकामा १३ जना संस्थागत आईसोलेसनमा, ७ जना आइ। सी। युमा र ४ जना भेन्टीलेटरमा उपचाररत रहेका छन् ।