काठमाडौँ, २७ भदौ । पछिल्लो चौबिस घण्टामा देशभर १ सय ७९ जना कोरोना संक्रमित थपिएका छन् । सोही अवधीमा थप १ सय ७१ जना संक्रमणमुक्त भई डिस्चार्ज भएका छन् ।

स्वास्थ्य तथा जनसंख्या मन्त्रालयले आज जारी गरेको बिबरण अनुसार थप ३ हजार ५ सय ८७ नमुना परीक्षण गर्दा १ सय ४ जनामा संक्रमण पुष्टि भएको हो ।

काठमाडौँ उपत्यकाका तीन जिल्ला मध्ये काठमाडौँमा ५०, ललितपुरमा १८ र भक्तपुरमा ७ जना गरी उपत्यकामा ७५ जना संक्रमित थपिएका छन् ।

त्यस्तै देशभर सक्रिय संक्रमितको संख्या २ हजार २ सय ७१ रहेको छ । जसमध्ये होमआइसोलेसनमा २ हजार १ सय ९० र संस्थागत आइसोलेसनमा ८१ जना रहेका छन् ।

संस्थागत आइसोलेसनमा रहेका मध्ये आइसीयूमा १५ जना संक्रमित उपचाररत रहेका छन् । आज थप १ जना संक्रमित बिरामीको मृत्यु भएको छ ।