काठमाडौँ, ३१ बैशाख । काठमाडौँ उपत्यकामा थप ३ हजार ३ सय ४९ जना कोरोना संक्रमित थपिएका छन् ।

स्वास्थ्य तथा जनसंख्या मन्त्रालयले आज जारी गरेको विवरण अनुसार उपत्यकाका तीन जिल्ला मध्ये काठमाडौँमा २ हजार ४५८, भक्तपुरमा ३३५ र ललितपुरमा ५५६ जना गरी थप ३ हजार ३ सय ४९ जना थपिएका हुन् । हिजोको तुलनामा उपत्यकामा आज २१३ ले संक्रमण कम देखिएको छ ।

त्यसैगरी आज देशभर थप ८ हजार ५२० जना कोरोना संक्रमित थपिएका छन् । सोही अवधीमा थप ६ हजार १३५ जना निको भई घर फिर्किएका छन् ।आज थप २०३ जना संक्रमितको मृत्यु भएको छ ।