काठमाडौँ, २५ असोज । अनसनरत डा गोविन्द केसी र सरकारी पक्षबीच सहमति भएपछि नेपाल चिकित्सक संघले आज गर्ने भनेको स्वास्थ्य सेवा बहिस्कार लगायतका कार्यक्रम फिर्ता लिएको छ । संघका महासचिव डा बद्री रिजालले आइतबार विहान विज्ञप्ती जारी गर्दै पूर्व निर्धारित विरोधका कार्यक्रम फिर्ता लिएको हो ।

विगत २७ दिन देखि अनसन बसेका डा केसी र सरकारी पक्षबीच शनिबार मध्यरातमा आठ बुँदे सहमति भएको थियो ।

त्यसअघि संघले सहमतिका लागि दवाव दिन भन्दै आज आइतबार देशभरका स्वास्थ्य संस्थाका आकस्मिक र कोभिड – १९ बाहेकका सेवाहरु बहिस्कार गर्ने घोषणा गरेको थियो ।