काठमाडौँ, २ बैशाख ।कोरोना संक्रमण विरुद्धको अभियानमा लागेको सरकारले हाल जारी लकडाउनलाई १५ बैशाखसम्म थप्‍ने निर्णय गरेको छ। प्रधानमन्त्रीको सरकारी निवास बालुवाटारमा बसेको मन्त्रिपरिषद् बैठककले ११ चैत देखि जारी लकडाउनलाई १५ बैशाखसम्म थप्‍ने निर्णय गरेको हो ।

यसैगरी बैठकले १८ बैशाखसम्मका लागि सीमा नाका बन्द गर्ने निर्णय गरेको छ। सरकारले यसअघि नै १८ बैशाख सम्मका लागि अन्तर्राष्ट्रिय हवाई उडान बन्द गर्ने निर्णय गरिसकेको छ।

पछिल्ला दिनहरुमा कोरोना संक्रमण बढ्दै जाँदा सरकारले लकडाउनलाई थप्ने निर्णय गरेको हो ।

नेपालमा अहिलेसम्म १६ जनामा कोरोना भाइरस संक्रमण देखिएको छ ।

आज मात्रै थप दुई जनामा कोरोना भाइरसको संक्रमण पुष्टि भएको छ ।