काठमाडौँ, १६ फागुन । स्वास्थ्य तथा जनसंख्या मन्त्रालयको बढुवा समितिले तीन जना डाक्टरलाई एघारौँ तहमा बढुवाका लागि सिफारिस गरेको छ । बढुवाका लागि सिफारिसमा पर्नेहरुमा डा पिताम्बर सुवेदी, डा रामपुकार शाह र डा अभय पोखरेल रहेका छन् ।

उनीहरुमध्ये डा सुवेदीलाई प्रमुख कन्सलटेन्ट पेडियाट्रिसियन पदमा, डा शाह र डा पोखरेललाई प्रमुख कन्सलटेन्ट एनेस्थेसियोलोजिष्ट पदमा बढुवाका लागि सिफारिस गरिएको हो ।

बढुवा समितिको गत १४ फागुनमा बसेको बैठकले उनीहरुलाई सिफारिस गर्ने निर्णय भएको बताइएको छ ।