काठमाडौँ ७ असार । पतान्जली आयुर्वेदिक केन्द्रबाट विक्री हुने ६ वटा आयुर्वेदिक औषधि सहित सात भारतीय कम्पनीका औषधि गुणस्तरहीन पाइएको छ ।

उक्त गुणस्तरहीन औषधिको विक्री बितरण बन्द गरी तत्काल बजारबाट फिर्ता (रिकल) गर्न औषधि व्यवस्था विभागले निर्देशन दिएको छ ।

गुणस्तरहीन पाइएका औषधिहरुमा माइक्रो ल्याव लिमिडेट बेङलोरको उत्पादन ब्याक्टोल्याव, दिव्य फार्मेसी उत्तराखण्ड भारतबाट उत्पादन हुने अमला चुर्ण, दिव्यगसर चुर्ण, बाकुची चुर्ण, त्रिफला चुर्ण, अश्वगन्धा चुर्ण र अदिव्या चुर्ण रहेका छन् । यिनीहरुको माईक्रोवेल टेष्ट फेल भएको विभागले जनाएको छ ।