काठमाडौँ, ३० असोज । राप्ती स्वास्थ्य विज्ञान प्रतिष्ठानका उपकुलपति डा. विकास लामिछानेले पदवाट राजिनामा दिएका छन् ।

बुधबार प्रतिष्ठानकी कुलपति समेत रहेकी प्रधानमन्त्री सुशीला कार्कीलाई भेटेर राजिनामा बुझाएका हुन् ।

तत्कालीन प्रधानमन्त्री शेरबहादुर देउवाले डा. लामिछानेलाई १० फागुन २०७८ मा राप्तीको उपकुलपति बनाएका थिए । सो अनुसार आगामी १० फागुनसम्म उनको पदावधी थियो । प्रधानमन्त्रीलाई बुझाएको राजिनामा पत्रमा उनले व्यक्तिगत तथा स्वास्थ्यका कारण उल्लेख गरेको स्रोतले बतायो ।

गत साता मात्रै सो प्रतिष्ठानकी पूर्व उपकुलपति डा. संगिता भण्डारीले मेसिन खरीदमा अनियमितता गरेको भन्दै अख्तियारले १२ करोड बढी विगो सहितको भ्रष्टाचार मुद्धा विशेष अदालतमा दायर गरेको थियो । डा. लामिछानेले एकाएक राजिनामा दिनु त्यसको प्रभाव पनि हुन सक्ने प्रतिष्ठानका कर्मचारीहरु बताउँछन् ।