काठमाडौँ, १३ असोज । काठमाडौँ महानगरपालिका भीमसेनस्थानमा भीषण आगलागी भएको छ ।

सिलिण्डर पड्केर सुरु भएको आगलागीबाट तीन–चारवटा घर जलेको जानकारी प्रहरीले दिएको छ ।

प्रहरी वृत्त जनसेवाका प्रहरी सहायक निरीक्षक रवि चरणका अनुसार, आगलागी भएको स्थानमा नेपाल प्रहरीको समन्वयमा काठमाडौँ महानगर र ललितपुर महानगरका दमकल प्रयोग गरिरएको छ ।

प्रहरीका अनुसार, घटनामा मानवीय क्षति भएको जानकारी आएको छैन र के कति घरमा कति नोक्सान भयो भन्ने विवरण पनि प्राप्त भएको छैन ।