काठमाडौं, २९ असोज । नेपाल मेडिकल काउन्सिलको वेबसाइट ह्याक भएको छ। गत असोज २६ गते आइतबार दिउँसोदेखि काउन्सिलको वेबसाइट ह्याक भएको हो ।

काउन्सिलका रजिष्ट्रार डा सतिश कुमार देवले वेबसाइट ह्याक भएपनि तथ्यांकहरुलाई रिकभरी प्रक्रियाबाट सुरक्षित गरिएको उनले बताए। उनले भने, ‘हाम्रो आइटी टिमले डेटा एक्सट्र्याक्सन भए पनि सेफ रहेको जनाएको छ ।’

डा देवका अनुसार अब पुरानो सर्भर पुन प्रयोग गर्न नमिल्ने भएकोले नयाँ सर्भर स्थापना गर्नुपर्ने अवस्था देखिएको छ।

ह्याकरको पहिचानका लागि आइटी टिमले काम गरिरहेको उनले जानकारी दिए । प्रमाणहरूको आधारमा साइबर ब्यूरोले अध्ययन गरिरहेको छ ।