काठमाडौँ, २४ जेठ । नेकपा एमालेले पार्टीको स्वास्थ्य तथा जनसंख्या विभाग प्रमुखमा पूर्व स्वास्थ्य मन्त्री समेत रहेका कृष्णगोपाल श्रेष्ठलाई दिएको छ ।

दुई महिने ग्रासरुट अभियान सकेपछि पार्टीका नेताहरुको जिम्मेवारी हेरफेर गर्ने क्रममा एमालेले स्वास्थ्य विभागको जिम्मेवारी श्रेष्ठलाई दिएको हो । साथै उनलाई स्वास्थ्य फाँट इन्चार्ज समेत बनाइएको छ ।

यसअघि पार्टीको स्वास्थ्य विभाग प्रमुखमा सचिव समेत रहेका योगेश भट्टराई थिए । उनलाई कोशी प्रदेशको इन्चार्ज बनाएर पठाइएको छ ।

विसं २०७८ सालमा शिक्षा मन्त्री रहेका श्रेष्ठले केही समय स्वास्थ्य तथा जनसंख्या मन्त्रीको जिम्मेवारी समेत सम्हालेका थिए ।