काठमाडौँ, २१ वैशाख । नवनियुक्त स्वास्थ्य तथा जनसंख्यामन्त्री मोहनबहादुर बस्नेतले पद तथा गोपनीयताको शपथ लिएका छन् ।

बिहीबार राष्ट्रपति रामचन्द्र पौडेलले राष्ट्रपति भवन शितल निवासमा आयोजित समारोहमा नवनियुक्त मन्त्रीहरुलाई पद तथा गोपनियताको सपथग्रहण गराएका हुन्।

शपथग्रहण लगत्तै नवनियुक्त स्वास्थ्यमन्त्री मोहनबहादुर बस्नेतले स्वास्थ्य तथा जनसंख्या मन्त्रालयको कार्यभार सम्हाल्दैछन् ।

कानून न्याय तथा संसंदीय मामिला मन्त्रीमा धनराज गुरुङ र युवा तथा खेलकुद मन्त्रीमा डिगबहादुर लिम्बुले पनि पद तथा गोपनीयताको शपथ लिएका छन् ।

प्रधानमन्त्री पुष्पकमल दाहाल प्रचण्डले बुधबार बस्नेतलाई स्वास्थ्य, गुरुङलाई कानुन र लिम्बुलाई युवा तथा खेलकुद मन्त्रीमा नियुक्त गरेका थिए ।