काठमाडौँ, २६ असोज । पछिल्लो चौबिस घण्टामा देशभर थप ५१ जनामा कोरोना संक्रमण पुष्टि भएको छ । सक्रिय संक्रमितको संख्या ५९८ रहेको छ ।

स्वास्थ्य तथा जनसंख्या मन्त्रालयले आज जारी गरेको बिबरण अनुसार चौबिस घण्टामा थप १ हजार ७२३ नमुना परीक्षण गर्दा ५१ जनामा संक्रमण पुष्टि भएको हो ।

आज थप २२ जना संक्रमणमुक्त भई डिस्चार्ज भएका छन् । कोरोना संक्रमणबाट मृत्यु हुनेको संख्या  शून्य रहेको छ ।
चौबिस घण्टामा थप ८८ हजार ३१ जनाले कोरोना बिरुद्धको खोप लगाएका छन् ।

त्यसैगरी गत साउनदेखि हालसम्म ३७ हजार १३१ जनामा डेंगु संक्रमण पुष्टि भएको छ । जसमध्ये ४५ जनाले ज्यान गुमाएका छन् ।