काठमाडौँ, १ असोज। पछिल्लो चौबिस घण्टामा देशभर ६३ जना कोरोना संक्रमित थपिएका छन् । सोही अवधीमा थप १ सय ३१ जना संक्रमणमुक्त भई डिस्चार्ज भएका छन् ।

स्वास्थ्य तथा जनसंख्या मन्त्रालयले आज जारी गरेको बिबरणअनुसार थप ३ हजार ७ सय ४० नमुना परीक्षण गर्दा ६३ जनामा संक्रमण पुष्टि भएको हो ।

काठमाडौँ उपत्यकाका तीन जिल्ला मध्ये काठमाडौँमा १३, ललितपुरमा ४ र भक्तपुरमा २ जना गरी उपत्यकामा १९ जना संक्रमित थपिएका छन् ।

त्यस्तै देशभर सक्रिय संक्रमितको संख्या १ हजार ९ सय ६६ रहेको छ । जसमध्ये होमआइसोलेसनमा १ हजार ९ सय २ र संस्थागत आइसोलेसनमा ६४ जना रहेका छन् ।

संस्थागत आइसोलेसनमा रहेका मध्ये आइसीयूमा २० जना र भेन्टीलेटरमा शून्य संक्रमित उपचाररत रहेका छन् । आज कोरोना संक्रमणबाट मृत्यु हुनेको संख्या पनि शून्य रहेको छ ।