चौबिस घण्टामा थप ११० जनामा कोरोना संक्रमण, १२६ जना संक्रमणमुक्त
काठमाडौँ, ३१ भदौ । पछिल्लो चौबिस घण्टामा देशभर १ सय १० जना कोरोना संक्रमित थपिएका छन् । सोही अवधीमा थप १ सय २६ जना संक्रमणमुक्त भई डिस्चार्ज भएका छन् ।
स्वास्थ्य तथा जनसंख्या मन्त्रालयले आज जारी गरेको बिबरणअनुसार थप ३ हजार ८ सय २७ नमुना परीक्षण गर्दा १ सय १० जनामा संक्रमण पुष्टि भएको हो ।
काठमाडौँ उपत्यकाका तीन जिल्ला मध्ये काठमाडौँमा २०, ललितपुरमा ३ र भक्तपुरमा २ जना गरी उपत्यकामा २५ जना संक्रमित थपिएका छन् ।
त्यस्तै देशभर सक्रिय संक्रमितको संख्या २ हजार ६२ रहेको छ । जसमध्ये होमआइसोलेसनमा १ हजार ९ सय ९९ र संस्थागत आइसोलेसनमा ६३ जना रहेका छन् ।
संस्थागत आइसोलेसनमा रहेका मध्ये आइसीयूमा २० जना र भेन्टीलेटरमा शून्य संक्रमित उपचाररत रहेका छन् । आज कोरोना संक्रमणबाट थप एक जनाको मृत्यु भएको छ ।
सम्पर्क इमेल : [email protected]