काठमाडौँ, १२ भदौ । नेकपा माओवादी केन्द्र नजिकका स्वास्थ्यकर्मीहरुको राष्ट्रिय प्रगतिशील स्वास्थ्यकर्मी संगठनको अध्यक्षमा लिलाराम थापा चयन भएका छन् ।

अखिल नेपाल प्रगतिशील स्वास्थ्यकर्मी संगठन र नेपाल राष्ट्रिय स्वास्थ्यकर्मी संगठनबीच भएको एकता पछि शनिबार आयोजित राष्ट्रिय सम्मेलनले थापाको नेतृत्वमा १५१ सदस्यीय नयाँ कार्यसमिति चयन गरेको छ ।

सम्मेलनबाट सह अध्यक्षमा टेकराज डिसी, बरिष्ठ उपाध्यक्षमा ओमकुमारी कंडेल र महासचिवमा कृष्णकुमार खत्री चयन गरेको छ ।
यस्तै कोषाध्यक्षमा शेष सापकोटा चयन भएका छन् ।

यसैगरी संगठनको उपाध्यक्षहरुमा एपोलोकुमार भगत, छटु चौधरी, कर्मा लामा, रुद्र शर्मा, ज्ञान प्रसाद पौडेल तारा रिजाल, करि सिंह भुल, डिल्लीराम श्रेष्ठ, अशोक भुजेल चयन भएका छन् । यस्तै सचिवमा मेनुका दाहाल, जानुका मोक्तान, केशर थापा, खेम सापकोटा, लगायतका छन् ।

शनिबार काठमाडौँको कीर्तिपुरमा सम्पन्न सम्मेलनको उद्घाटन गर्न उर्जामन्त्री पम्फा भुसाल पुगेकी थिईन् ।

यसअघि अखिल नेपाल प्रगतिशील स्वास्थ्यकर्मी संगठनको नेतृत्व क्षेत्रराज कार्कीले गरेका थिए । नेपाल राष्ट्रिय स्वास्थ्यकर्मी संगठनको नेतृत्व चित्रजंग शाहीले गरेका थिए ।