नर्भिकले भन्यो- तत्काल टहरा भत्काउन सकिँदैन
काठमाडौँ, २४ साउन । काठमाडौँ थापाथलीस्थित नर्भिक अस्पतालले महानगरको निर्देशन बमोजिम तत्कालै टहरा हटाउन नसकिने जनाएको छ । नर्भिक इन्टरनेसनल अस्पतालका अध्यक्ष राजेन्द्रबहादुर सिंहले आज पत्रकार सम्मेलन गर्दै यस्तो जानकारी गराएका हुन् ।
अध्यक्ष सिंहले २०६५ जेठ १ गतेदेखि आगामी २७ वर्षसम्मको लागि नेपाल सरकार र नर्भिक अस्पतालबीच सम्झौता भइ उक्त स्थानमा अक्सिजन प्लान्ट, विद्युत वितरण प्यानल, खानेपानी र डायलासिस सप्लाईजस्ता बिरामीको उपचारमा अनि आवश्यक उपकरण राखी बिरामीको सेवा भइरहेको हुँदा २४ घण्टाभित्र खाली गर्न नसकिने जानकारी गराएका छन् ।
यसअघि नर्भिक अस्पतालले सरकारसंग लिजमा लिएको एक रोपनी ८ आना जग्गाको पश्चिमतर्फ सम्झौता विपरीत र नक्सा पास नगरी घर टहरा बनाएको भन्दै ती संरचना २४ घण्टाभित्र हटाउन काठमाडौं महानगरपालिकाका मेयर बालेन्द्र (बालेन) साहले निर्देशन दिएका थिए।
आज २ बजेसम्मको अल्टिमेटम दिँदै महानगरले घर टहरा हटाउन र नहटाए नियम अनुसार कारबाही गर्ने चेतावनी दिएको छ ।
सम्पर्क इमेल : nepalihealthnews@gmail.com