काठमाडौँ, २३ साउन । काठमाडौँ महानगरपालिकाको २९ नम्बर वडाले १२ देखि १७ वर्ष उमेर समूहका बालबालिकालाई आज देखि कोभिडबिरुद्धको बुस्टर डोज दिने भएको छ ।

सो वडाले विभिन्न १४ स्थानमा खोप केन्द्र तोकेर फाइजरको बुस्टर डोज दिन लागेको हो ।

वडा कार्यालयले बुस्टर डोज आगामी ३० साउनसम्म चल्ने बताएको छ ।

सरकारले पूर्ण खोप लगाएको तीन महिना पुगेका नागरिकलाई अनिवार्य रुपमा बुस्टर डोज लिन भनेको छ । कोभिडको संक्रमण बढ्दो क्रममा रहेका बेला स्थानीय तहले खोप अभियानलाई तिब्रता दिएको छ ।