काठमाडौँ, २५ बैशाख । राष्ट्रपति विद्यादेवी भण्डारीले आइतबार स्वास्थ्य सम्वन्धी दुईवटा अध्यादेश जारी गरेकी छन् ।

राष्ट्रपति भण्डारीले आइतबार औषधि (तेस्रो संशोधन) अध्यादेश, २०७९ र स्वास्थ्यकर्मी तथा स्वास्थ्य संस्थाको सुरक्षासम्बन्धी (पहिलो संशोधन) अध्यादेश, २०७९ जारी गरेकी हुन्।

यी दुबै अध्यादेश नेपालको संविधानको धारा ११४ को उपधारा (१) बमोजिम नेपाल सरकार, मन्त्रिपरिषद्को सिफारिसमा अध्यादेश जारी गरेको राष्ट्रपति कार्यालयले उल्लेख गरेको छ ।