काठमाडौँ, २३ वैशाख । पछिल्लो चौबिस घण्टामा देशभर थप १५ जनामा कोरोना संक्रमण पुष्टि भएको छ । त्यसैगरी आज थप १७ जना संक्रमणमुक्त भई डिस्चार्ज भएका छन् ।

स्वास्थ्य तथा जनसंख्या मन्त्रालयले आज जारी गरेको बिबरण अनुसार २ हजार ७५० जनाको पीसीआर नमुना परीक्षण गर्दा १५ जनामा संक्रमण पुष्टी भएको हो । १ हजार ३ जनाको एन्टीजेन बिधिबाट नमुना परीक्षण भएको छ ।

देशभर सक्रिय संक्रमितको संख्या २१५ रहेको छ । आज कोरोना संक्रमणबाट मृत्यु हुनेको संख्या शून्य रहेको मन्त्रालयले जनाएको छ ।