काठमाडौँ, १२ वैशाख । पछिल्लो चौबिस घण्टामा देशभर थप २१ जनामा कोरोना संक्रमण पुष्टि भएको छ । त्यसैगरी आज थप १७ जना संक्रमणमुक्त भई डिस्चार्ज भएका छन् ।

स्वास्थ्य तथा जनसंख्या मन्त्रालयले आज जारी गरेको बिबरण अनुसार ४ हजार ७७५ नमुना परीक्षण गर्दा २१ जनामा कोरोना संक्रमण पुष्टि भएको हो ।

देशभर सक्रिय संक्रमितको संख्या २७१ रहेको छ । जसमध्ये होम आइसोलेसनमा २७० र संस्थागत आइसोलेसनमा १ जना रहेका छन् ।

त्यसैगरी शून्य सक्रिय संक्रमित रहेका जिल्ला ३३ वटा रहेका छन् ।आइसीयू र भेन्टीलेटरमा उपचार गराउनेको संख्या भने शून्य रहेको छ ।