उत्कृष्ठ स्वास्थ्य सेवा पुरस्कार डा. जितेन्द्र कंडेललाई, स्वास्थ्य सेवा पुरस्कार पाउने को को ? (सूची सहित)
काठमाडौँ, १५ फागुन । स्वास्थ्य तथा जनसंख्या मन्त्रालयले यसवर्षको उत्कृष्ठ स्वास्थ्य सेवा पुरस्कार डा. जितेन्द्र कंडेललाई प्रदान गर्ने भएको छ । एक लाख रासीको यो पुरस्कार पाउने उनी बेनी अस्पतालका मेडिकल अधिकृत हुन् ।
२४ औँ राष्ट्रिय स्वास्थ्य सेवा दिवस स्वास्थ्य सेवा दिवसको अवसरमा स्वास्थ्य तथा जनसंख्या मन्त्री विरोध खतिवडाले आज उनलाई यो पुरस्कारबाट सम्मान गर्ने कार्यक्रम छ ।
यस्तै ५० हजार राशीको स्वास्थ्य सेवा पुरस्कारबाट चार जना स्वास्थ्यकर्मी पुरस्कृत भएका छन् । यसरी पुरस्कृत हुनेहरुमा धनकला थापा अनमी बाजुरा अस्पताल, ओम आचार्य ल्याव टेक्निसियन निरीक्षक प्रादेशिक जनस्वास्थ्य प्रयोगशाला सुर्खेत, रामप्रवेश साह, ल्याव टेक्निसियन प्रादेशिक अस्पताल गौर र योगेन्द्र कट्टेल सीअहेव चतरा प्राथमिक स्वास्थ्य केन्द्र वराह क्षेत्र सुनसरी रहेका छन् ।
उनीहरुलाई पनि आज स्वास्थ्य मन्त्रालयमा हुने विशेष समारोहमा पुरस्कृत गरिदैँ छ ।
यस्तै दिवसकै अवसरमा १० जनालाई स्वास्थ्य सेवा सम्मान दिईदै छ । त्यसरी सम्मान पाउनेहरुमा सञ्जीव कट्टेल फार्मेसी अधिकृत व्यवस्था व्यवस्था विभाग विराटनगर शाखा, रुद्रनारायण महत्तो कविराज जिल्ला आयुर्वेद रौतहट, बढेवाबु थापा बरिष्ठ फार्मासिस्ट अधिकृत स्वास्थ्य सेवा विभाग, प्रेमकुमारी केसी अनमी दर्लिङ स्वास्थ्यचौकी बागलुङ रहेका छन् ।
यसैगरी डा शरद चन्द्र बराल मेडिकल अधिकृत पोखरा स्वास्थ्य विज्ञान प्रतिष्ठान, लिला थापा महिला स्वास्थ्य स्वयंसेविका गुल्मी, गोकर्ण गिरी बरिष्ठ जनस्वास्थ्य अधिकृत स्वास्थ्य कार्यालय बर्दिया, सञ्जु रिजाल अस्पताल नर्सिङ निरीक्षक भेरी अस्पताल, लालबहादुर रोका हेल्थ असिस्टेन्ट गोकुले स्वास्थ्य चौकी महाभारत गाँउपालिका काभ्रे र गगन विक हलुका सवारी चालक खादाङ गाँउपालिका मुस्ताङ रहेका छन् ।
यसअघि दिवसको अवसरमा स्वास्थ्यकर्मी तथा कर्मचारी छनौट गर्नका लागि मन्त्रालय प्रमुख विशेषज्ञ डा गुणराज लोहनीको संयोजकत्वमा समिति बनाएको थियो ।
सम्पर्क इमेल : [email protected]