काठमाडौँ, ११ माघ । टेकुस्थित शुक्रराज ट्रपिकल तथा सरुवा रोग अस्पतालले सोमबारदेखि स्थगित गरेको कोभिडविरुद्धको खोप अभियान आजदेखि पुन: सञ्चालनमा ल्याउने भएको छ ।

काठमाडौं महानगरपालिका स्वास्थ्य शाखा र नेपाल रेडक्रस सोसाइटी काठमाडौंबाट जनशक्ति व्यवस्थापन गरिदिने भएपछि स्थगित खोप पुन: सञ्चालनमा ल्याउन लागेको हो ।

यसअघि चिकित्सक, स्वास्थ्यकर्मी तथा कर्मचारी गरी ५० बढीमा कोरोना संक्रमण भएपछि अस्पतालले ७ दिनको लागि खोप कार्यक्रम स्थगित गरेको जनाएको थियो ।

सोमबार जारी विज्ञप्तीमा काठमाडौं महानगरपालिका, स्वास्थ्य शाखा र नेपाल रेडक्रस सोसाइटी, काठमाडौंबाट जनशक्ति व्यवस्थापन हुने भएकोले कोभिड-१९ विरुद्धको खोप अभियानको आवश्यकतालाई मध्यनजर गरी मंगलबारदेखि कोभिड -१९ विरुद्धको नियमित खोप कार्यक्रम संचालन हुने व्यहोरा सम्बन्धित सबैको जानकारीको लागि अनुरोध छ,’  भनिएको छ।