काठमाडौँ, १६ मंसिर । पछिल्लो चौबिस घण्टामा देशभर ३१५ जना कोरोना संक्रमित थपिएका छन् । यही अवधिमा थप २०१ जना संक्रमणमुक्त भएका छन् । आज थप ६ जना संक्रमितको मृत्यु भएको छ ।

स्वास्थ्य तथा जनसंख्या मन्त्रालयले बिहीबार जारी गरेको बिबरण अनुसार ९ हजार ५११ जनाको पीसीआर बिधीबाट परीक्षण गर्दा २९८ र १ हजार ८९२ जनाको एन्टीजेन बिधिबाट परीक्षण गर्दा १७ जनाको गरी कुल ११ हजार ४०३ परीक्षण गर्दा ३१५ जनाको पोजेटिभ आएको हो ।

त्यस्तै काठमाडौँ उपत्यकाका तीन जिल्ला मध्ये काठमाडौँमा ९९, भक्तपुरमा १५ र ललितपुरमा ४२ जना गरी उपत्यकामा १५६ जना थपिएका छन् ।

हाल देशभर सक्रिय संक्रमितको संख्या ७ हजार ४५ रहेको मन्त्रालयले जनाएको छ ।