बुधबार थप ३१६ जनामा कोरोना संक्रमण, ३ जनाको मृत्यु

- नेपाली हेल्थ

काठमाडौँ, १५ मंसिर । बुधबार देशभर ३१६ जना कोरोना संक्रमित थपिएका छन् । यही अवधिमा थप २५९ जना संक्रमणमुक्त भएका छन् । आज थप ३ जना संक्रमितको मृत्यु भएको छ ।

स्वास्थ्य तथा जनसंख्या मन्त्रालयले आज जारी गरेको बिबरण अनुसार १० हजार ९१९ जनाको पीसीआर बिधीबाट परीक्षण गर्दा २८५ र १ हजार ८०८ जनाको एन्टीजेन बिधिबाट परीक्षण गर्दा ३१ जनाको गरी कुल १२ हजार ७२७ परीक्षण गर्दा ३१६ जनाको पोजेटिभ आएको हो ।

त्यस्तै काठमाडौँ उपत्यकाका तीन जिल्ला मध्ये काठमाडौँमा ११९, भक्तपुरमा २ र ललितपुरमा २९ जना गरी उपत्यकामा १५० जना थपिएका छन् ।

हाल देशभर सक्रिय संक्रमितको संख्या ६ हजार ९५४ रहेको मन्त्रालयले जनाएको छ ।


Facebook Comment


थप समाचार