काठमाडौँ, २९ कात्तिक ।  कर्णाली स्वास्थ्य बिज्ञान प्रतिष्ठानका उपकुलपति डा मंगल रावललाई कामकाज गर्न रोक लगाउने निर्णय कार्यान्वयन नगर्न पाटन उच्च अदालतले सरकारका नाममा अन्तरिम आदेश दिएको छ ।

यही साता स्वास्थ्य मन्त्री बिरोध खतिवडाले मन्त्री स्तरीय निर्णय गर्दै उपकुलपति डा रावल, रजिस्टार नृपेन्द्र महतलाई कामकाजमा रोक लगाउने निर्णय गरेका थिए ।

सो निर्णयविरुद्ध डा रावल पाटन उच्च अदालत गएका थिए ।

सोमबार उच्च अदालतका न्यायधीश भोजराज अधिकारीको एकल इजलासले डा रावलको पक्षमा आदेश दिदै काम काज रोक लगाउने निर्णय कार्यान्वयन नगर्न आदेश दिएको हो ।