एमाले नेता योगेश भट्टराईलाई पिसावको संक्रमण, वीर अस्पतालमा भर्ना
काठमाडौँ, ६ कात्तिक । नेकपा एमालेका नेता योगेश भट्टराईलाई पिसावमा संक्रमण देखिएको छ । नेता भट्टराई उच्च ज्वरो आएको भन्द्यै शुक्रबार दिउसो वीर अस्पतालमा भर्ना भएका थिए ।
‘ उच्च ज्वरो नघटेपछि उहाँ हामी कहाँ थप उपचारका लागि आउनु भएको हो । प्रारम्भिक परीक्षणका क्रममा उहाँको पिसावमा संक्रमण भएको थाहा भएको छ । त्यसको उपचार सुरु भएको छ । अरु पनि परीक्षण हुँदैछ । ज्वरो अहिले पनि आउने र रोकिने भइरहेको छ,’ कोभिड युनिफाइड केन्द्रीय अस्पताल (वीर अस्पताल)का प्रमुख कार्यकारी अधिकारी डा. भुपेन्द्रकुमार बस्नेतले भने ।
यसअघि ज्वरो आउँदा उनको कोभिड -१९ को परीक्षण गरिएको थियो । तर त्यसमा रिपोर्ट नेगेटिभ आईसकेको छ ।
डा. बस्नेतले भट्टाईको उपचारका लागि युरोलोजीको टीम खटिएको समेत बताए ।
नेता भट्टराईलाई अस्पतालको भिआईपी क्याविनमा राखेर उपचार भइरहेको छ । तर, डाक्टरको सल्लाहबमोजिम सात दिनसम्म भेटघाट पूर्णरुपमा बन्द गरिएको स्वकीय सचिव प्रेम गुरागाईंले बताए ।
सम्पर्क इमेल : nepalihealthnews@gmail.com