काठमाडौैँ, १३ असोज । नेकपा (एकीकृत समाजवादी)का अध्यक्ष तथा पूर्वप्रधानमन्त्री माधव कुमार नेपाल अस्वस्थ भएका छन् । उनलाई बुधबार दिउसो त्रिभुवन विश्वविद्यालय शिक्षण अस्पतालमा भर्ना गरिएको छ ।

नेता नेपाललाई ज्वरो आउने खोकी लाग्ने भइरहेको छ । अपरान्ह गरिएको पीसीआर परीक्षणमा कोभिड-१९ रिपोर्ट भने नेगेटिभ आएको छ । अध्यक्ष नेपालको निजी सचिवालयले चिकित्सकहरुले केही दिन आराम सहित उपचार गर्नुपर्ने बताएको जनाएको छ ।

अध्यक्ष नेपालको उपचारमा बरिष्ठ छातीरोग विशेषज्ञ शन्तकुमार दाससहितको टोली सम्लग्न रहेको छ ।