रजो-निबृत (५०-५९) उमेरका महिलाहरुमा समर्पित ‘एक कविता’

– दुर्गा मिश्र

गर्भमा आमाको स्पन्दनमा रमायौं
जन्मेपछि परिवारको मायामा समायौं।

सुखमय बालापन बित्यो प्रायः हाम्रो
किशोरावस्था सम्वेदनशील रह्यो राम्रो।

बिहे गरी धेरै जसो नयाँ संसार बनायौं
जिन्दगीका अनेक सपनाहरुमा रमायौं ।

घर गृहस्थी हेर्दै आयौं सबलाई आफ्नो ठानी
परिवारको खुसीलाई नै आफ्नो खुशी मानी ।

रजो-निबृत भई प्रवेश गर्‍यौं ५० वर्ष माथी
अवस्था हाम्रो के रहेछ एकचोटी सोचौं साथी ।

समाज परिवारलाई सक्ने जति खुशी दिंदै आयौं
आफू हुनुको अस्तित्व बोध मात्र सम्हाल्दै ल्यायौं।

दिन चर्या कस्तो बित्छ सोचाईं कस्तो आउँछ ?
खाना विश्राम के कस्तो छ निद्रा कस्तो आउँछ ?

शारीरिक व्यायम कति गर्छौ कति पाईला हिंड्छौं ?
एक्लै बस्न मन लाग्छ कि रिसाएर भिड्छौं ?

झर्को फर्को लाग्ने गर्छ डराए झैं लाग्छ
अति प्रिय आफ्नाहरु टाढिए झैं लाग्छ ।

कोही भन्छन् यस्तै हुन्छ रजो-निबृत हुँदा
कोही भन्छन् राम्रो हुन्छ डाक्टरलाई देखाउँदा।

रजो-निबृत प्राकृतिक हो सजग बनौं हामी
सकारात्मक सोचाई लिई उर्जा छरौं हामी।

आफू पनि सचेत बनौं सचेत बनाउँ परिवार
गतिशील घर गृहस्थी सपारौं आफ्नो संसार।

धन्यवाद !

(#२०७८ श्रावण ९ गते शनिवार, ढाका बंगलादेश)

समाचार / स्वास्थ्य सामाग्री पढनु भएकोमा धन्यवाद । दोहरो संम्वाद को लागी मेल गर्न सक्नु हुन्छ ।
सम्पर्क इमेल : nepalihealthnews@gmail.com

Leave a Reply

Your email address will not be published. Required fields are marked *