स्वास्थ्यकर्मीको जोखिम भत्ता एक साता भित्रै उपलव्ध गराउने मन्त्रिपरिषद्को निर्णय
काठमाडौँ, २९ असार । सरकारले कोभिड – १९ को बिरुद्ध खटिएका स्वास्थ्यकर्मी तथा सुरक्षाकर्मीले पाउने भनिएको जोखिम भत्ता एक साता भित्र उपलव्ध गराउने निर्णय गरेको छ ।
नव नियुक्त प्रधानमन्त्री शेरबहादुर देउवा अध्यक्षतामा आज बसेको पहिलो मन्त्रिपरिषदको बैठकले यस्तो निर्णय गरेको हो । बैठक पछि सञ्चारकर्मीसंग निर्णय सुनाउँदै कानून मन्त्री ज्ञानेन्द्र कार्कीले स्वास्थ्यकर्मी तथा सुरक्षाकर्मीको जोखिम भत्ता एक साता भित्रै उपलव्ध गराउने निर्णय भएको बताए ।
कतिपय स्वास्थ्यकर्मी तथा सुरक्षाकर्मीले सरकारले घोषणा गरेको जोखिम भत्ता नपाएको बताउँदै आएका छन् ।
सरकारले कोभिडबिरुद्ध खटिएका स्वास्थ्यकर्मी तथा सुरक्षाकर्मीलाई ५० प्रतिशत जोखिम भत्ता दिने निर्णय गरेको थियो ।
चैत भित्र सबै नेपालीलाई कोभिडबिरुद्धको खोप दिईने
यस्तै बैठकले चैत महिनाभित्र सबै नेपालीलाई कोरोनाविरुद्धको खोप लगाउने निर्णय गरेको छ । मन्त्री कार्कीका अनुसार आउँदो असोज महिनाभित्र एक तिहाइ जनसंख्या र चैत भित्र सबै नेपालीलाई खोप लगाउने निर्णय भएको हो ।
सम्पर्क इमेल : nepalihealthnews@gmail.com