काठमाडौँ, २० बैशाख । पछिल्लो चौविस घण्टामा काठमाडौँ उपत्यकामा थप ३ हजार ६६६ जनामा कोरोना संक्रमण देखिएको छ । यो संख्या देशभर आज देखिएको कुल पीसीआर परीक्षण पछि पोजेटिभ आएको संख्याको ५० प्रतिशत हो ।

आज देशभर १६ हजार ६५८ जनाको पीसीआर परीक्षण गर्दा ७ हजार ३८८ जनामा पोजेटिभ आएको थियो ।

स्वास्थ्य तथा जनसंख्या मन्त्रालयले उपत्यकाका तीन जिल्ला मध्ये काठमाडौँमा २ हजार ९२२, ललितपुरमा ५२२ र भक्तपुरमा २२२ जना गरी ३ हजार ६६६ जना थपिएको जनाएको छ ।

काठमाडौँ उपत्यकामा आज थपिएको संक्रमितको संख्या अहिलेसम्मकै सबैभन्दा बढी हो ।