सीसीएमसीको निर्णय : देशभरका शिक्षालयले भौतिक उपस्थितिमा पढाई र परीक्षा सञ्चालन गर्न नपाउने
काठमाडौँ, १२ बैशाख । भोलिबाट देशभरका विद्यालय तथा शिक्षालयले भौतिक उपस्थितिमा पढाई र परीक्षा सञ्चालन गर्न नपाउने भएको छ । कोभिड -१९ क्राइसीय म्यानेजमेन्ट सेन्टर (सीसीएमसी) निर्देशक समितिको आइतबार बसेको बैठकले सो निर्णय गरेको हो ।
बैठकले देशभरका विद्यालय तथा शिक्षालयहरुमा भौतिक उपस्थिति नभई भर्चुअल र बैकल्पिक माध्यमबाट मात्र पठन पाठन जारी राख्ने र भौतिक उपस्थितिमा हुने पूर्व निर्धारित सबै प्रकारका परीक्षा अर्को आदेश नभएसम्मसको लागि स्थगित गर्ने निर्णय गरेको सीसीएमसीका संयोजक समेत रहेका सचिव डा खगराज बरालले जानकारी दिए ।
अहिले शहरी क्षेत्रका कतिपय विद्यालयहरुले भौतिक उपिस्थितिमा पढाई नगरे पनि परीक्षा लिइरहेका छन् । आजको आदेशमा देशभरका विद्यालयका लागि निर्णय गरिएको स्पष्टसंग उल्लेख छ ।
सम्पर्क इमेल : nepalihealthnews@gmail.com