काठमाडौँ, ११ बैशाख । कोरोना संक्रमणमा परेका पूर्वराजा ज्ञानेन्द्र शाह, उनकी पत्नी कोमल शाह र छोरी प्रेरणा सिंह अस्पताल भर्ना भएका छन् । शनिवार दिउसो १ बजे थापाथलिस्थित नर्भिक अस्पतालमा पुगेर उनीहरु भर्ना भएका हुन् ।

भारतको उत्तराखण्ड राज्यस्थित हरिद्वारमा आयोजित कुम्भ मेलामा सहभागी भएर गत बैशाख ५ गते स्वदेश फर्किएका शाह दम्पतीको कोरोना परीक्षण गर्दा बैशाख ७ गते कोरोना रिपोर्ट पोजेटिभ आएको थियो ।

कोरोना पोजेटिभ आएपछि शाह दम्पत्ती र उनकी छोरी निवासमै आइसोलेसनमा बसेका थिए । खासै समस्या त छैन । तर अव्जरभेसनमा रहन भनेर उहाँहरु तीन जना अस्पताल आउनु भएको हो । अस्पताल स्रोतले भन्यो ।