दोस्रो डोज लगाउन काठमाडौँ उपत्यकामा तोकियो ३५ वटा खोप केन्द्र ( सूची सहित)
काठमाडौँ, ७ बैशाख । कोभिडबिरुद्धको पहिलो डोज खोप लगाएकाहरुले आज देखि दोस्रो डोज खोप दिइदै छ । दोस्रो डोज खोप अभियान आगामी ११ बैशाखसम्म चल्नेछ । त्यसका लागि देशभर ९५३ वटा खोप केन्द्र तय गरिएको छ ।
काठमाडौँ उपत्यकाका तीन जिल्लामा भने दोस्रो डोज खोप लगाउन ३५ वटा खोप केन्द्र तय गरिएको छ । काठमाडौंमा १९ वटा, ललितपुरमा ११ वटा र भक्तपुरमा ५ वटा खोप केन्द्रको व्यवस्था गरिएको छ ।
ती खोप केन्द्रहरुमा विहान १० देखि अपरान्ह ४ बजेसम्म खोप लगाउने व्यवस्था मिलाइएको छ ।
तीन वटै जिल्लाका स्वास्थ्य कार्यालयहरुले पहिलो खोप लगाएको मितिको आधारमा दोस्रो डोज खोप लगाउन मिल्ने गरी तालिका सार्वजनिक गरेका छन् । तोकिएको मितिमा आफूलाई पायक पर्ने खोप केन्द्रमा गएर खोप लिन सकिने बताएको छ ।
अहिले दोस्रो डोज खोप लगाउनेहरुले पहिले कोभिसिल्ड खोप लगाएकोले सोही खोप दिइने बताइएको छ ।
सम्पर्क इमेल : nepalihealthnews@gmail.com