नेपालगञ्जमा शनिबार थप १०६ जनामा कोरोना संक्रमण

  • भेरी अस्पतालमा १९० जनाको कोभिड - १९ परीक्षण गर्दा १०६ जना पोजेटिभ
  • - नेपाली हेल्थ

    नेपालगञ्ज, ४ बैशाख । नेपालगञ्जस्थित भेरी अस्पतालमा शनिबार थप १०६ जना कोरोना संक्रमित थपिएका छन् । शनिबार १९० जनाको पीसीआर विधिबाट कोरोना परीक्षण गर्दा १०६ जना अर्थात ५५.७८ प्रतिशतमा कोरोना संक्रमण देखिएको हो । यसअघि शुक्रबार त्यहाँ १८३ जनाको परीक्षण गर्दा १२७ जनाको पोजेटिभ देखिएको थियो ।

    अस्पतालले अधिकांश संक्रमित बाँके र बर्दिया जिल्लाको भएको जानकारी दिएको छ । यस्तै अधिकांश संक्रमितको उमेर ४० बर्ष मुनि रहेको बताइएको छ । नेपालमा देखिएको नयाँ भेरियन्टको कोरोनाले संक्रमणदर तिब्र रुपमा बढाएको छ ।

    दिन दिनै सय भन्दा बढीका दरले संक्रमित थपिदै जाँदा त्यस क्षेत्रमा उपचारमा समेत समस्या देखिन सक्ने चिकित्सकहरुले बताएका छन् ।

    भेरी अस्पतालका मेसु डा प्रकाश थापाले अहिले नै ९० जना अस्पतालमा भर्ना भएकामा ४० जना आइसीयू र ७ जना भेन्टिलेटरमा रहेको बताएका थिए । उनले भर्ना भएका बाँकीलाई पनि अक्सिजन दिनु पर्ने अवस्था रहेको उल्लेख गरेका थिए ।

    कोरोनाको पहिलो लहरमा हटस्पट बनेको बाँकेमा यसपटक पुन संक्रमणले तिब्रता लिएको छ ।


    Facebook Comment


    थप समाचार