काठमाडौँ, ११ चैत । नेपाल मेडिकल काउन्सिले आगामी शुक्रबार (१३ चैतमा) हुन लागेको चिकित्सा शिक्षा तर्फ स्नातकोत्तर तह (पीजी)को विशेष परीक्षाको तयारी पुरा भएको जनाएको छ । हरेक चार चार महिनाको अन्तरालमा हुने यो परीक्षा यसपटक पनि पुल्चोक इन्जिनियरिङ क्याम्पसमा हुँदैछ ।

काउन्सिलका रजिष्ट्रार डा कृष्णप्रसाद अधिकारीले यसपटकको परीक्षाका लागि विभिन्न ३४ विषयमा विज्ञता हासिल गरेका ३३५ जनाले सहभागिता जनाउने बताए । परीक्षा विहान ११ देखि १ बजेसम्मका लागि तय गरिएको छ ।

काउन्सिलले लाइसेन्स परीक्षाका लागि यसबर्ष देखि पुल्चोक इन्जिनियरिङ क्याम्पससंग सम्झौँता गरी कम्प्युटरमाध्यम लिने गरेको छ ।

काउन्सिलले बार्षिक रुपमा ४ ४ महिनाको अन्तरमा पोष्टग्राजुएट्स पीजी तह उत्तीर्ण गरेकाहरुका लागि विषेश परीक्षा र अन्डरग्राजुएट्सहरुका लागि नाम दर्ता प्रमाणपत्र परीक्षा लिने गर्दछ ।