काठमाडौँ, ११ माघ । पछिल्लो चौबिस घण्टामा देशभर थप ७ जना कोरोना संक्रमितको मृत्यु भएको छ । देशभर थप ७ जना कोरोना संक्रमितको मृत्यु भएको स्वास्थ्य तथा जनसंख्या मन्त्रालयले जानकारी गराएको छ ।

यी सहित नेपालमा कोरोना संक्रमणबाट मृत्यु हुनेको संख्या २ हजार १ पुगेको छ ।

त्यसैगरी पछिल्लो चौबिस घण्टामा ४ हजार ४१३ जनाको पसीआर नमुना परीक्षण गर्दा देशभर थप २७० जनामा कोरोना भाइरस संक्रमण देखिएको छ । यही अवधीमा थप ४०३ जना कोरोनामुक्त भएका छन् ।

हाल देशभर संक्रिय संक्रमितको संख्या ३ हजार ३१२ रहेको छ । देशभरका कोरोना अस्पतालका आइसीयूमा १३९ र भेन्टलेटरमा २३ जना संक्रमित उपचाररत छन् ।