काठमाडौँ, १७ पुस । पछिल्लो चौबिस घण्टामा देशभर थप ८ जना कोरोना संक्रमितको मृत्यु भएको छ । देशभर थप ८ जना कोरोना संक्रमितको मृत्यु भएको स्वास्थ्य तथा जनसंख्या मन्त्रालयले जानकारी गराएको छ ।

यी सहित नेपालमा कोरोना संक्रमणबाट मृत्यु हुनेको संख्या १ हजार ८६४ पुगेको छ ।

थप ५ हजार २२५ जनाको पीसीआर नमुना परीक्षण गर्दा देशभर थप ४२६ जनामा कोरोना भाइरस संक्रमण देखिएको छ । यही अवधीमा थप ७४८ जना कोरोनामुक्त भएका छन् ।

त्यसैगरी देशभरका कोरोना अस्पतालका आइसीयूमा २३४ र भेन्टीलेटरमा ३५ जना उपचाररत छन् ।