काठमाडौँ, २८ कात्तिक । पछिल्लो चौबिस घण्टामा देशभर थप १३ जना कोरोना संक्रमितको मृत्यु भएको छ । देशभर थप १३ जना कोरोना संक्रमितको मृत्यु भएको स्वास्थ्य तथा जनसंख्या मन्त्रालयले जनाएको छ ।

यी सहित नेपालमा कोरोना संक्रमणबाट मृत्यु हुनेको संख्या १ हजार २ सय २ पुगेको छ ।

त्यसैगरी पछिल्लो चौविस घण्टामा देशभर थप २ हजार ५ सय ६९ जनामा कोरोना भाइरस संक्रमण देखिएको छ । थप १ हजार ६ सय ६६ जना उपचारपछि निको भएर डिस्चार्ज भएका छन् । देशभर सक्रिय संक्रमितको संख्या ३८ हजार ९ सय १२ रहेको छ ।

आइसीयूमा ३ सय ८७ जना र भेन्टीलेटरमा ८७ जना संक्रमित उपचाररत छन् ।