काठमाडौँ, २८ कात्तिक । पछिल्लो चौविस घण्टामा देशभर थप २ हजार १११ जनामा कोरोना संक्रमण देखिएको छ । चौविस घण्टामा ९ हजार ५३३ जनाको पीसीआर परीक्षण गर्दा २ हजार १११ जनामा कोभिड १९ पोजेटिभ देखिएको हो । आजको संक्रमित संख्या कुल परीक्षण संख्याको २२ प्रतिशत हो ।

स्वास्थ्य तथा जनसंख्या मन्त्रालयले उपलव्ध गराएको पछिल्लो विवरण अनुसार पछिल्लो चौविस घण्टामा ३ हजार ५३७ जना कोरोना संक्रमणबाट निको भएका छन् । यहि अवधीमा १३ जनाको भने कोरोना संक्रमणको कारण ज्यान गएको छ ।

मन्त्रालयले शुक्रबारसम्म देशभर ३७ हजार २२ जना कोरोनाको सक्रिय संक्रमित रहेको जानकारी दिएको छ ।

स्वास्थ्य मन्त्रालयको तथ्यांक अनुसार अहिलेसम्म देशभर २ लाख ६ हजार ३५२ जनामा कोरोना संक्रमण देखिएको छ । १ लाख ६८ हजार १२९ जना निको भएका छन् । यस्तै कोरोनाबाट १ हजार २०२ जनाको ज्यान गएको छ ।