पोखरा, ३ कात्तिक । कोरोना संक्रमणबाट गण्डकी प्रदेशमा थप दुई जनाको मृत्यु भएको छ। मृत्यु हुनेमा नवलपरासी गैंडाकोट– १२ का ८५ वर्षीय पुरुष र पोखरा महानगरपालिका– ३ को ५६ वर्षीया महिला रहेको  गण्डकी प्रदेश स्वास्थ्य निर्देशनालयले जानकारी दिएको छ।

८५ वर्षीया पुरुषको असोज ३० गते साँझ ५ बजे मृत्यु भएको हो। उनको असोज २६ गते चितवन मेडिकल कलेजमा कोरोना पुष्टि भएको स्वास्थ्य कार्यलय नवलपरासीले जानकारी दिएको छ। उनी दम र निमोनियाका बिरामी समेत थिए।

त्यसैगरी स्वास्थ्य विज्ञान प्रतिष्ठानमा ५६ वर्षीया महिलाको असोज ३० गते मृत्यु भएको हो। उनको श्वासप्रश्वास र उच्च रक्तचापको सम्बन्धी समस्या भएर मृत्यु भएको गण्डकी प्रदेश स्वास्थ्य निर्देशनालयले जानकारी दिएको छ।

यो सहित गण्डकी प्रदेशमा कोरोना संक्रमणबाट मृत्यु हुनेको संख्या ५३ पुगेको छ।