स्वस्थ रहने मन्त्र

- नेपाली हेल्थ
राधा भट्टराई

शरीरमा रोग छिर्नै नदिनलाई हामी
बढाउँदै लानु पर्छ अब राम्रा बानी !!

पोषिला ती खानेकुरा खानुपर्छ सधै
हरिया, सागापात फलफूल तथा गेडागुडी सबै !!

…………………………………………..

समयमा सुत्ने गरौँ समयमै उठ्ने
उमेर हेरी ७ /८ घण्टा मस्त निदाउँने !!

चिन्तन गर्नु पर्छ हामी चिन्ता गर्नु हुन्न
व्यस्त रहे मस्त रहे कुनै रोगले छुन्न !!

…………………………………………….

विषादि नछर्केका ताजा फलफूल खाउँ
दुध दहि सेवन गरी शरीर स्वस्थ बनाउँ !!

शारीरिक व्यायम गरौँ योग अनि ध्यान
मन स्वस्थ हुन्छ यसले अनि स्वस्थ ज्यान !!

………………………………………………….

कमजोर शरीर भए रोगले आक्रमण गर्छ
त्यसैले रोग प्रतिरोधात्मक क्षमता बढाउनै पर्छ !!

शरीर कस्तो बनाउने आजै गरौँ बिचार
स्वस्थ हुने एउटै मन्त्र सहि आहार बिहार !!

थप समाचार


Facebook Comment