काठमाडौँ, ६ साउन । कोभिड – १९ विरुद्धको सरकारी अभियानमा नेपाल नेत्रज्योति संघले एक सय थान आईआर थर्मोमिटर सहयोग गरेको छ ।

संघका प्रतिनिधिले मंगलबार स्वास्थ्यमन्त्री भानुभक्त ढकाललाई भेटि सात लाख रुपैयाँ बराबरको थर्मोमिटर हस्तान्तरण गरेको अध्यक्ष प्राडा चेतराज पन्तले जानकारी दिए ।

नेपालमा अन्धोपन न्यूनीकरणका साथै आँखा स्वास्थ्य सेवालाई मुलुकको दुर्गम तथा पिछडिएको क्षेत्रसम्म सहज र सुलभ रुपमा पुर्याउने कार्यमा संघ लागेको छ ।

संघले अहिलेसम्म आम सर्वसाधारणको आँखा उपचारको लागि संघका ४२ वटा जिल्ला शाखा, २० वटा आँखा अस्पताल र १२१ वटा प्राथमिक आँखा उपचार केन्द्रहरु मार्फत सेवा प्रवाह गर्दै आएको छ ।