काठमाडौँ, २ साउन । पछिल्लो २४ घण्टामा बाँकेको भेरी अस्पतालमा गरिएको नमूना  परीक्षणमा थप २८ जनामा कोरोना भाइरस (कोभिड-१९)संक्रमण पुष्टि भएको छ ।

अस्पतालले आज विज्ञप्ति जारी गर्दै थप २८ जनामा कोरोना संक्रमण देखिएको जनाएको हो । संक्रमित हुनेहरुमा १० जना बर्दिया, ५ जना दाङ र १३ जना रोल्पाका रहेका छन्।

अस्पतालका अनुसार गत २४ घण्टामा २५० जनाको नमूना संकलन गरी पीसीआर परीक्षण गर्दा २८ जनामा कोरोना संक्रमण देखिएको हो ।

यो संगै भेरी अस्पतालमा १६ हजार ६०० पीसीआर नमुना परीक्षण गरिएकोमा हालसम्म संक्रमितको संख्या ७ सय ४२ पुगेको छ ।