सिपाहीको तीन पिन्ट रगतले बचायो सुत्केरीको ज्यान

जुम्ला २० माघ । जुम्लाको गुठिचौर गाउँपालिका–५ देवलगाउँकी ४१ वर्षीया देवकी गिरीलाई प्रसूति हुन नसकी कर्णाली स्वास्थ्य विज्ञान प्रतिष्ठानको प्रसूति वार्डमा भर्ना गरियो । उनको तुरुन्त शल्यक्रिया गरी बच्चा निकाल्नु पर्ने भएकोले तीन पिन्ट ओ पोजिटिभ रगत आवश्यक प¥यो तर प्रतिष्ठानमा ‘स्टक’ रगत नभएकाले गिरीलाई रगत उपलब्ध हुन सकेन ।

गिरीका आफन्तले नेपाली सेना जुम्लाको नन्दाबक्स गणमा रगत उपलब्ध गराइदिन निवेदन दिएलगतै गणमा कार्यरत सिपाही व्य.नं २३२७८६ प्युठ निङ्दावा शेर्पा, व्य. नं २४७८९५ सि. सन्तोषकुमार तामाङ र व्य.नं २६१००२ सि. नरबहादुर सलामी मगरले एक÷एक पिन्ट गरी तीन ओ पोजिटिभ पिन्ट रगत दान गरे । समयमै आवश्यक रगत पाएपछि सुत्केरी र बच्चाको ज्यान जोगाउन सफल भएको नन्दाबक्स गण जुम्लाका सह सेनानी विशान कार्कीले बताए ।

गण जुम्लामा तैनाथ भएपश्चात स्थानीय नागरिक तथा विभिन्न निकायको अनुरोधमा यस गणमा कार्यरत करिब २८ जना सकलदर्जाहरुबाट विभिन्न समूहको रक्तदान गरी विभिन्न प्रकारका बिरामीको ज्यान जोगाउन सफल भएको सह सेनानी कार्कीले बताए ।

रगत अभाव

प्रतिष्ठानमा रगत बैंक नहुँदा प्रतिष्ठानमै कार्यरत स्वास्थ्यकर्मी र अन्य कर्मचारीले यहाँका प्रसूति महिला र ‘सर्जरी’ का बिरामीलाई चाहिए जति रगत दिने गरेका छन् । बाहिरबाट कुनै संस्था वा व्यक्तिले रक्तदान नगर्दा प्रतिष्ठानमा रगतको अभाव भएको प्रतिष्ठानका ल्यावप्रमुख विकेक पुन मगरले बताए ।

समाचार / स्वास्थ्य सामाग्री पढनु भएकोमा धन्यवाद । दोहरो संम्वाद को लागी मेल गर्न सक्नु हुन्छ ।
सम्पर्क इमेल : nepalihealthnews@gmail.com

Leave a Reply

Your email address will not be published. Required fields are marked *